Kven skaut William Nygaard?

Attentatet blei kopla til Salman Rushdie, den britiske forfattaren som har levd med strenge tryggleikstiltak sidan Irans leiar i 1989 utlyste ein fatwa mot han. Nygaard var på denne tida redaktør for Aschehough som gav ut boka som utløyste fatwaen mot Rushdie.

Kva er grunnen til at denne saka enda ikkje er oppklart? Kvifor greier ikkje norsk politi å løyse saka? Er det frykta for å legge seg ut med Iran som gjer at denne kriminalsaka framleis ikkje har fått ei løysing? Desse spørsmåla undersøker gravejournalist Odd Isungset i boka «Blodspora i Dagaliveien».

Isungset har jobba med denne saka frå dag ein og er klar på at dette ikkje er ei vanleg kriminalsak utført av ein soloterrorist. Han meiner at vi har med statsterrorime å gjere, og at dette er ei viktig sak for demokrati og ytringsfridom, som også har ei direkte kopling til Stavanger.

Isungset har vore redaktør i Brennpunkt, Dokument 2 og fått Den store journalistprisen, Fritt Ords honnørpris og SKUP-diplom for sitt arbeid med Nygaard-saka. Det er i stor grad Isungsets gravearbeid som leia til at saka vart gjenopna i 2009.

18. januar kl 12.15 kjem Isungset til Universitetsbiblioteket for å halde foredrag om saka. Velkommen!