Forsking viser at norske barn har lågast leseglede av alle land i heile Europa. Det må gjera noko med! Å jobba med å betra elevane si leseinteresse på skulen, vil også gje gode utslag for elevane sitt faglege utbytte i andre fag. Lær meir i dette korte webinaret!
Publisert
Sist oppdatert
I dette korte webinaret under møter du førsteamanuensis Monica Gundersen Mitchell frå Nasjonalt lesesenter.
I webinaret opnar ho for at de i kollegiet kan undersøka saman korleis de jobbar med lesekultur og leseinteresse på din skule.
Forslag til gjennomføring:
- Sjå webinaret saman med kollegaer i felles planleggingstid
- Bruk kartleggingsskjemaet for å skapa ein oversikt over korleis det blir jobba med leseinteresse på din skule. Fyll ut skjemaet individuelt og diskuter saman i etterkant med kvarandre.
- Diskuter saman om spørsmåla kan vera inspirasjon til andre tiltak de ikkje gjennomfører i dag. Drøft om de kan tenka nytt rundt andre tiltak, og del erfaringar med kvarandre.
Lykke til!
