Avdeling for jazz, dans, PPU og musikkproduksjon

Avdeling for jazz, dans, PPU og musikkproduksjon ved Fakultet for utøvande kunstfag held til på sentrumsnære campus Bjergsted i hjartet av Bjergsted kulturpark. Tilsette og studentar er aktive som musikarar og dansarar i Stavangers yrande kulturliv. Bjergsted kulturpark består av ei rekke kulturinstitusjonar som har eit tett samarbeid med fakultetet generelt og jazz- og danseutdanninga spesielt. I Bjergsted finst alt frå kulturskule, MDD-lina ved Stavanger katedralskole til Stavanger konserthus der Stavanger symfoniorkester held til. Stavanger Jazzforum og Mai Jazz er jazzutdanningas viktigaste samarbeidspartnarar. I austre bydel ligg Tou Scene og IMIR/RIMI som bidrar inn i eit kreativt studiemiljø for våre dansestudentar.

Avdelinga har studium på alle nivå innan utøvande musikk med jazz som studieretning. I tillegg tilbyr vi bachelor i dans, PPU i utøvande og skapande kunstfag og musikkproduksjon og opptaksteknikk. Me tilbyr også DigJazz, som er eit digitalt vidareutdanningsstudium i improvisasjon.