230 nye studentar har gjennomført det tradisjonsrike rebusløpet til Handelshøgskulen ved Universitetet i Stavanger (UiS).
Temaet for dagen var lagarbeid. Dei ferske studentane fekk lære mykje nyttig frå føredragshaldar Erlend Rørvik i Bjørnson organisasjonspsykologene om korleis ein jobbar best i team.
Etterpå skulle dei overføre teorien til praksis.
![Mann holder foredrag. Studenter sitter rundt flere bord.](/sites/default/files/styles/large/public/2024-08/DSCF5809_.jpg?itok=IsyH9ORW)
Logikk, matematikk og marknadsføring
Økonomistudentane fekk testa korleis samarbeidet fungerer i eit rebusløp i grupper, der dei også fekk sjansen til å bli godt kjent på campus Ullandhaug.
Oppgåvene handla om logikk, matematikk og marknadsføring, for å nemne noko.
Felles for alle oppgåvene, var at studentane måtte samarbeide om å løyse dei.
![Fire jenter løser rebusoppgave](/sites/default/files/2024-08/DSCF5853_.jpg)
![Fire jenter løser rebusoppgave](/sites/default/files/2024-08/DSCF5854_.jpg)
![Studenter ute på parkeringsplass](/sites/default/files/2024-08/DSCF5830_.jpg)
![Studenter løser oppgaver](/sites/default/files/2024-08/DSCF5845_.jpg)
![Gutter løser rebusoppgaver](/sites/default/files/2024-08/DSCF5849_.jpg)
![Studenter går på ski med planker](/sites/default/files/2024-08/DSCF5867_.jpg)
![Studenter med ryggen til](/sites/default/files/2024-08/DSCF5864_.jpg)
Student på årsstudium: – Fint å få litt innblikk i økonomiutdanninga
På ei av gruppene er det fire nye studentar, som alle skal gå årsstudium i økonomi og leiing. Dette studiet er nytt frå hausten 2024.
– Eg vil ta eit årsstudium fordi det er fint å få litt innblikk i økonomiutdanninga før ein begynner på ein eventuell bachelor, seier Oliver Heimsnes.
Dei nye studentane ved Handelshøgskulen UiS har nettopp hatt fadderveke, og fått mange nye venner.
– Det var veldig gøy, seier Martine Idland.
Ein studiestad i nærområdet
Studentane seier at Universitetet i Stavanger var eit naturleg val, sidan dei kjem frå Rogaland. Sofie Hansen Husevåg kjem frå Bergen, men har gått på folkehøgskule i Stavanger, og kjenner området godt.
Dei er alle spente på kva som ventar i studietida framover.
– Eg er spent på førelesingane. Eg trur mange gruar seg litt til matten, seier Oliver og ler.
![Fire studenter](/sites/default/files/styles/large/public/2024-08/DSCF5824_.jpg?itok=8muPXs_R)
Nyttig premie
Mot slutten av dagen, vart dei tre gruppene med høgast poengsum premierte for innsatsen sin i rebusløpet.
Studentane på vinnarlaget fekk kvar si hengekøye, som kan vere fin å ha når dei skal utforske den flotte naturen regionen Stavanger har å by på.
![Studenter foran lerret](/sites/default/files/2024-08/DSCF5886_.jpg)
Vinnarlaget: Magnus Meland, Helle Aune, Ulrikke Wathne, Sander Watne-Dueland og Audun Thornes Johannessen.
![Studenter foran lerret](/sites/default/files/2024-08/DSCF5879_.jpg)
![Jenter foran lerret](/sites/default/files/2024-08/DSCF5875__0.jpg)