Styrker fagmiljøet i rettsvitskap: Tilset professor Gert Johan Kjelby i strafferett og straffeprosess

Handelshøgskolen ved UiS tilset professor Gert Johan Kjelby frå Universitetet i Bergen som professor i strafferett og straffeprosess frå hausten 2023. Han skal, saman med tidlegare Høyesterettsdommer Magnus Matningsdal, utvikle og undervise emna som skal bli tilbydd på master i rettsvitskap.

– Dette er svært viktige rekrutteringer for oss, og det bør nå ikkje vere tvil om at me er i stand til å levere ein fullverdig master i rettsvitskap, seier dekan Ola Kvaløy.

Håper komiteen vil snu

Handelshøgskolen ved UiS tilbyr i dag to jus-utdanningar: Bachelor i rettsvitskap og master i forretningsjus.

I mars 2021 opna Regjeringa for at UiS kunne etablere masterstudium i rettsvitskap. Men i juli fekk UiS (i tillegg til UiA og BI) nei frå NOKUT på søknaden. Ei årsak var ifølge NOKUT blant anna fagmiljøets størrelse og kvalifikasjonar. Men med nye tilskot i miljøet er håpet at komiteen vil snu.

– Med Matningsdal og Kjelby vil studentar ved UiS få lære av dei beste innanfor dette fagområdet. Og dermed er Handelshøgskolen godt i gang med å oppfylle krava til NOKUT om å sikre eit bredt fagmiljø og starte opp med master i rettsvitskap, seier Lana Bubalo som er avdelingsleiar ved avdeling for reknskap og rettsvitskap ved Handelshøgskolen UiS.

Vil bidra til eit robust fagmiljø

Professor Gert Johan Kjelby er fødd og oppvaksen i Stavanger, men har i snart 30 år budd i Bergen. Men lenge har han hatt ubestemte planar om å flytte heim igjen.

– Avgjerda var svært lett å ta då eg skjønte at eg ved å flytte nå også kunne bidra til å styrke fagmiljøet ved UiS, slik at UiS har bedre sjanse for å bli godkjent for å tilby ein master i rettsvitskap. Eg har forsknings- og undervisningskompetanse i blant anna strafferett og straffeprosess som NOKUT har etterspurd, og eg ser verkeleg fram til å vere med å utvikle eit fullverdig masteropplegg og eit robust forskingsmiljø i strafferett og straffeprosess i Stavanger.

Når Kjelby tiltrer ved UiS hausten 2023 vil han truleg framleis behalde ei bistilling som prof. II ved Det juridiske fakultet i Bergen, blant anna for å vidareføre eit spesialemne i faget Påtalerett, samt ivareta sine rettleiiaroppgåver på PhD-programmet.