Fagmiljøet i rettsvitskap blir styrka igjen: Andrea Minto er ny professor

Andrea Minto har doktorgrad i rettsvitskap med spesialisering innan Economic/Financial Markets Law. Han er også Jean Monnet Professor i jus og regulering av finansielle marknadar ved Ca' Foscari University i Venezia, der han leiar programmet Digitalisation in EU Financial Law (EUDIFIN) finansiert av EU kommisjonen.

Hans forsking er i skjæringspunktet mellom jus, politikk og finans. Minto har den siste tida fokusert på EUs finanslovgjevnad med særleg fokus på anti-kvitvasking. Hans arbeid og forsking har blitt publisert i høg kvalitets tidsskrift, og han har også vunne fleire prisar og stipend.

I tillegg til grunnleggjande kompetanse for undervising og rettleiing på universitets- og høgskulenivå har Minto også dokumentert kvalitietsutvikling i eiga undervising og rettleiing over tid, han har brei erfaring med rettleiing på master/phd-nivå og har deltatt i utvikling av utdanningskvalitet i fagfellesskap.

Konsulent i heile verda

Sidan 2016 har han vore konsulent og ekstern forskar ved Deutsche Bundesbank Eurosystem, om emne som FinTech, skyggebanksystem, regulatorisk arbitrasje og desentralisert finans. Han har også konsultert fleire finanstilsyn, internasjonale organisasjonar og beslutningstakarar verda rundt.

Nå er Minto i gong med å starte eit samarbeid med Norges Bank om regulatoriske spørsmål knytta til sentralbankers digitale valutaer (CBDC), kryptoaktiva og anti-kvitvasking (AML).

Elles går fritida hans til naturen, løping, turgåing, ski, sykling og fotografering.

Styrka fagmiljø

Igjen blir fagmiljøet i rettsvitskap på Handelshøgskolen ved UiS styrka, noko som kan love godt for søknaden om å opprette master i rettsvitskap. Tidlegare i haust har også professor Gert Johan Kjelby frå UiB blitt tilsett på avdelinga for rekneskap og rettvitskap.

Les meir om tilsettinga av Kjelby og moglegheita for master i rettsvitskap her.