– UiS kryssa av på alle punkt, seier økonomistudent Syed Aqib Ali

Kvifor valde du å ta en mastergrad i økonomi og administrasjon?

Gjennom mine bachelorgradar såg eg at eg var flink til å utføre oppgåver på kreative måtar med ei smart proaktiv tilnærming og hadde alltid ein trong til å sjå ting frå eit anna perspektiv. Etter å ha jobba i bransjen i eitt års tid innsåg eg kor raskt firmaa utvikla seg globalt, så eg bestemte meg for å lære meg problemløysingsferdigheiter og få litt bransjebasert kunnskap. På same måte var det ei kritisk avgjerd for karriera mi, og eg følte at det var det rette tidspunktet for å oppfylle min livslange draum om å studere i utlandet.

Kvifor valde du Stavanger og Handelshøgskolen ved UiS?

Eg hadde andre tilbod frå forskjellige regionar i Europa, men Noreg var min prioritet på grunn min kjærleik til naturen, og på grunn av at dei hadde gratis utdanning. Universitetet i Stavanger kryssa av alle punkt for eit passande internasjonalt masterprogram som har fleire valmoglegheiter i spesialiseringer. Eg såg tilfeldig på campus gjennom Google Earth, og det var då eg følte ein nærleik til denne staden. I tillegg var byen og vêrforholda ideelle. Etter å ha kome hit, klappa eg meg sjølv på skulderen sidan eg tok ei god avgjerd.

Kvifor valde du di spesialisering?

Sidan min akademiske og profesjonelle karriere dreiar seg om digital marknadsføring, og eg ønska å oppgradere ferdigheitene mine på dette temaet, så valde eg å ta strategi og leiing. I tillegg hadde eg ei moglegheit til å lage ein kombinasjon av bifag og hovudfag, noko som blei den beste pakken for meg.

Les også: Lærer om motivasjon på arbeidsplassen gjennom å jobbe som konsulentar

Korleis ser ein typisk dag på UiS ut for deg?

Ein typisk dag startar med å kome til campus på el-sykkel, sjå på den vakre naturen og dei rolige omgjevnadane, og så møte studievener. Me sit saman, deler latter og kreative idear, og nokre produktive argument. Desse diskusjonane hjelper oss å løyse komplekse problem på ein effektiv måte. Etter desse gruppearbeida og førelesingane går eg gjennom korridorane på campus for å få motivasjon frå andre studentar. Seinare blir eg ofte med på arrangement og hackathons organisert av MinSiS og ECIU – European consortium of innovative universities ECIU ble etablert i 1997 og har 13 medlemmer hvor kun ett universitet fra hvert land kan få medlemskap. Felles mål:
Entreprenørskap, innovasjon og reell innvirkning på samfunnet

www.eciu.org
    . Og som ein del av Lyspæren, UiS Ingenious og StartUiS, jobbar eg med prosjekt basert på bærekraft for å gjere UiS til ein meir ideell stad for læring.

Les også: Oppstartsbedrift vil ha studentanes løysinger

Har du nokre spesielle minne frå UiS til nå?

Eg har opplevd så mange fantastiske minne som har hjelpt meg med mykje energi på dei meir dystre vinterdagane. Eit av dei eg hugsar best er då eg filma dronebilde av UiS i vinter. Dei kalde vintrene kan vere vanskelege, men for meg gav den dagen ei rekke samanhengande hendinger som igjen gav meg eventyrlege augeblikk som spelte ein viktig rolle for sjølvtilliten min.

Les også: Masterstudentane tok med casearbeidet ut til vindkraftpark

Har du nokre råd til framtidige studentar?

Som internasjonal student bør du førebu deg på å kome ut av komfortsona di, men dette er igjen avgjerande for ditt praktiske liv for det kan la deg bli ein betre versjon av deg sjølv. Det er du som bestemmer deg for enten å sjå Netflix på hybelen din eller å gå ut å oppleve det som skjer i den verkelege verda. Eg har sett draumar gå i oppfylling, og eg trur på det. Studer smart, invester i fritida di i kreative aktivitetar, sosialiser og lær av deira erfaringer, og del historiane dine. Lev livet fullt ut mens du er student på UiS - eg kan forsikre om at det er ei oppleving som forandrar livet.

Les også: To intensive masterår har fått ein ekstra intensiv og lærerik studiestart