Tekst og tolking (NOR113)

Innhald

Emnet vil gje eit innblikk i den historiske utviklinga av grunnsjangrane frå antikken til i dag, og kompetanse til å analysere tekstar i lys av sjangertradisjonen. Samstundes vil studentane få innsikt i at tekstar ikkje alltid innrettar seg etter litterære konvensjonar.

Det vesentlege for å kunne analysere ein skjønnlitterær tekst, er å få etablert ei forståing av kva som er denne teksten sin måte å vere litteratur på. Sjangerlæra gjev oss ei forståing for korleis teksten me har føre oss plasserer seg i det store landskapet av teksttypar. I tillegg finst det innanfor faget ei vifte av etablerte praksisar for korleis ein konkret går fram når ein analyserer tekstar innanfor dei ulike sjangrane.

Det overordna målet med kurset er at studenten skal få ei forståing av korleis ein tenker og handlar som fagperson innanfor nordisk litteraturvitskap. I dette inngår både teoretiske kunnskapar om korleis ein tenker, og praktiske ferdigheiter knytte til å kunne utføre analysar på måtar som er i tråd med praksisane innanfor fagfeltet.

Læringsutbytte

Kunnskap

Etter å ha fullført emnet skal studenten

• ha brei kunnskap om og kunne gjere greie for kva som kjenneteiknar og skil ulike tekstar og sjangrar frå kvarandre.
• vere godt kjend med sentrale analyseteoretiske og metodiske omgrep.
• ha innblikk i nordisk litterær tradisjon frå eit sjangerperspektiv.

Ferdigheiter

Etter å ha fullført emnet skal studenten

• kunne analysere og tolke tekstar i ulike sjangrar, ut frå teori og etablert praksis for korleis ein gjer bruk av teorien i analysearbeidet.
• kunne utvikle ei problemstilling og skrive ein analyse i samsvar med grunnleggjande krav til vitskapleg framstilling.
• kunne utvikle sjølvstendige resonnement i analysearbeidet.
• kunne handtere sekundærlitteratur, teori og referansar på ein fagleg god måte.

Generell kompetanse

Etter å ha fullført emnet skal studenten

• kunne handtere tekstar og sjangrar på ein fagleg måte.

Forkunnskapskrav

Eksamen / vurdering

Vilkår for å gå opp til eksamen/vurdering

1. 75 prosent obligatorisk oppmøte i undervisning (inkl. skriveseminaret).For lektorstudenter gjelder dette kravet også for didaktiske seminar. Dersom ein er borte frå meir enn 25 prosent av undervisninga, må ein levera kompenserande oppgåver for det overskytande.

2. Innleveringsoppgåve:

• omfang på 1000 ord (+/- 10 prosent)
• målform: bokmål
• blir vurdert med greidd/ikkje greidd

Alle vilkåra må vere greidde for at kandidaten kan gå opp til eksamen.

Studentar som får oppgåva vurdert til ikkje godkjent ved første innlevering, har høve til å levere oppgåva på nytt i omarbeidd form.

Fagperson(er)

Faglærar:

Emneansvarleg:

Faglærar:

Studiekoordinator:

Arbeidsformar

Åpent for

Emneevaluering

Litteratur