Kapra internship hos Laerdal Medical

• Namn, studieprogram: Navid Hasan, Mastergrad i Business Administration med spesialisering i Business Development and Innovation.
• Sommarjobb: Internship hos Laerdal Medical

Hei Navid, kva gjer du i sommar?

I sommar har eg internship hos Leardal Medical. Her jobbar eg i produkt-teamet som arbeider med å utvikle løysingar og treningsprodukt innan livredning. Laerdal Medical sin misjon heiter «Helping Save Lives», og dei jobbar målretta for å utvikle løysingar knytt til gjenoppliving, pasientbehandling og globale helseutfordringar. Laerdal har i lang tid utvikla produkt og programvare til frivillige organisasjonar, utdanningsinstitusjonar, akuttmedisinske aktørar, sjukehus, og forsvar over heile verda. 

Eg føler meg heldig som får moglegheita til å jobbe i eit så stort selskap.

Korleis fekk du denne jobben?

Stillingsannonsen låg ute på LinkedIn, og ein ven av meg fant den og delte den med meg. Eg søkte og venta ei stund før eg vart kontakta, men etter intervjuet gjekk det kun to dagar før eg fekk bekrefta at eg fekk internship-stillinga. Totalt jobbar 63 praktikantar saman på ulike avdelingar, og det er fyrste gong dei plukkar ut studentar frå Business Administration. Eg har kollegaer frå UIS og somme andre universitet i Noreg.

Korleis er arbeidsdagen din?

Mesteparten av dagen går til å lese og analysere – og til møter! Eg jobbar både individuelt og i team, og eg må kjenne til selskapet sine system og halde kontakt med kryssfunksjonelle avdelingar både i og utanfor Noreg. I produkt-teamet jobbar eg med programvarene til simuerlingsdokkene som blir brukte til ulike typar medisinsk trening.

Får du nytte av studieprogrammet ditt i jobben?

Sidan eg jobbar i produkt-teamet, prøver eg å bruke læringa mi for å løyse oppgåvene mine, spesielt innan dataanalyse, kommunikasjon og innovasjon.

Vert det noko ferie på deg i sommar, då?

Eg har allereie hatt nokre dagar ferie før eg starta i stillinga. Så no kan eg konsentrere meg om oppgåvene i jobben resten av sommaren. Og så får eg forhåpentlegvis tid til å gjere noko kjekt rett før studiet startar igjen.

Kva er draumejobben din etter endt utdanning?

Dette er eit spørsmål eg alltid tykkjer det er vanskeleg å svare på, mest fordi eg har eit så breitt interessefelt. Om eg hadde laga ei liste, så trur eg at ein jobb innan marknadsføring og Product management ville vore på toppen. Jeg ønsker å være en del av ethvert selskap for å utforske flere relaterte felt og bruke ferdighetene mine.